Shtetet e Bashkuara të Amerikës kanë rihapur dosjen ish-agjentit të FBI, Charles Mcgonigal, ku është i përfshirë Kryeministri Edi Rama. Departamenti Amerikan i Drejtësisë publikoi një hetim administrative, ku përpos çështjes Ruse dhe asaj Shqiptare, raporti përqëndrohet dhe te ashtuquajtura “çështja kineze”, e cila është duke u trajtuar me bujë në SHBA, pasi zbardh lidhjet e thella të Charles Mcgonigal, Kryeministrit Edi Rama, Dorian Duçkës dhe kompanisë Kineze CEFC.
Sipas raportit, ish-agjenti i FBI, Charles McGonigal u punësua me ndërmjetësim të Dorian Duçkës në kompaninë Kineze CEFC Company, që rezulton gjithashtu se sponsorizoi ekspozitën personale të Edi Ramës në Hong Kong në vitin 2015. Raporti i departamentit të Drejtësisë zbulon se McGonigal ka informuar drejtues të firmës kineze CEFC, e lidhur me Hunter Biden, për një hetim që po zhvillohej ndaj kompanisë.
Në hetimin e Departamentit të Drejtësisë, një zë të rëndësishëm zë pikërisht afera e kryeministrit të Shqipërisë Edi Rama me ish-kryeagjentin e FBI, Charle McGonigal. Nga raporti janë zbardhur dhe detaje që nuk ishin publikuar më parë. Dokumentet e publikuara nga Departamenti Amerikan i Drejtësisë nxjerrin në pah një marrëdhënie të fshehtë dhe të rrezikshme mes ish-drejtuesit të lartë të FBI-së, Charles McGonigal, dhe kreut të qeverisë shqiptare. Një detaj tronditës mban datën 9 shtator 2017, kur McGonigal i dërgoi një miku të tij një fotografi ku shfaqej me Ramën, ndërsa në një tjetër mesazh, ai shkruante:
Më 9 shtator 2017, McGonigal i dërgoi një miku të tij personal një fotografi të vetes me Kryeministrin dhe i shkroi një tjetër miku personal se Kryeministri po reformonte drejtësinë (në Shqipëri) dhe se kjo paraqiste ‘shumë mundësi.’
Raporti i Inspektorit të Përgjithshëm në SHBA, tregon me detaje takimet e ish-agjentit të FBI me Kryeministrin e Shqipëris dhe korruptimin e tij nga personat të lidhur me Edi Ramën. Në raport konfirmohet se McGonigal ishte në detyrë në kohën kurë mori 2025 mijë dollar nga një shtetas shqiptarë i lidhur me qeverinë shqiptare.
Gjatë udhëtimit në shtator 2017, Personi B organizoi një darkë private midis McGonigal dhe Kryeministrit të Shqipërisë. McGonigal u takua përsëri me Kryeministrin gjatë udhëtimit të tij të dytë në Shqipëri 2 muaj më vonë. Më 9 shtator 2017, McGonigal i dërgoi një fotografi të tij me Kryeministrin një miku personal ndersa një miku tjetër të tij i tha se Kryeministri po reformonte drejtësinë (në Shqipëri) dhe se kjo paraqiste “Shumë mundësi”.
Një juri e madhe akuzoi McGonigal për fshehjen e faktit se kishte marrë 225,000 dollarë në para të gatshme nga një shtetas shqiptar i lidhur me qeverinë shqiptare, Personi A në aktakuzë, ndërsa McGonigal shërbente si drejtues në FBI, dhe raportimin e rremë të udhëtimeve dhe kontakteve të tij jashtë vendit.
Aktakuza ngarkoi më tej McGonigal për fshehjen e takimeve të tij, gjatë kohës që ishte në detyrë, me bashkëpunëtorin e biznesit të Personit A, Personin B, i cili u përshkrua në aktakuzë si një ish-zyrtar i lartë i qeverisë shqiptare dhe punonjës i një “konglomerati kinez të energjisë”.
Por teksa institutcionet e drejtësisë në SHBA kanë publikuar këto të dhëna tronditëse, dy vjet më parë, kur nisi hetimi për Charles Mcgonigal, Kryeministri Edi Rama tentonte të mohonte njohjet e tij me ish-kryeagjentin e FBI.
Raporti i Departamentit të Drejtësisë e përshkruan këtë marrëdhënie si pjesë të një skeme më të gjerë korrupsioni dhe ndikimi të paligjshëm, që përfshin edhe kompani kineze dhe oligarkë rusë.
