TIRANË- Investigimi i publikuar Departamenti i Drejtësisë Amerikane (DOJ) për ish-drejtuesin e FBI-së, Charles McGonigal ka zbuluar informacione për lidhjet e tij me qeverinë shqiptare, “Personin A” (Agron Nezën) dhe “Personin B” (Dorian Duçkën, këshilltari jozyrtar i Ramës) si dhe pagesa prej $225,000.
Në raportin e DOJ thuhet se Charles McGonigal kishte mbajtur të fshehta udhëtimet në Shqipëri dhe kontaktet e tij më “Personin B” (Dorian Duçkën). Gjithashtu në investigim përmendet se McGonigal, për një periudhë dy mujorë në vitin 2017 ka zhvilluar dy takime me kryeministrin Edi Rama.
“Më 9 shtator 2017, McGonigal i dërgoi një mesazh një miku personal me një fotografi të tij me Kryeministrin dhe i dërgoi një mesazh një miku tjetër personal se Kryeministri po reformonte drejtësinë (në Shqipëri) dhe se kjo paraqiste “shumë mundësi”.”, thuhet në investigim.
Dy paditë ndaj McGonigal
DOJ zbuloi dy padi kundër McGonigal, ku në njërin rast ai akuzohet nga Zyra e Prokurorit të SHBA-së për Distriktin e Kolumbias, për fshehjen e marrjes së 225,000 dollarëve cash nga një shtetas shqiptar me lidhje me qeverinë shqiptare, i cilësuar si “Personi A” në aktakuzë. McGonigal shërbeu si SAC dhe për raportimin e rremë të udhëtimeve të personit në fjalë jashtë vendit dhe kontakteve të tij jashtë vendit. Në shtator 2023, McGonigal u deklarua fajtor në Gjykatën e Qarkut të SHBA-së për Distriktin e Kolumbias për këtë akuzë.
Në aktakuzën tjetër, të ngritur nga Zyra e Prokurorit të SHBA-së për Distriktin Jugor të Nju Jorkut, McGonigal dhe një bashkëpunëtor i dyshuar për shkelje dhe komplot për të shkelur Aktin Ndërkombëtar të Fuqive Ekonomike të Emergjencës (IEEPA) dhe pastrim parash duke ofruar shërbime dhe duke marrë pagesa sekrete nga Oleg Deripaska, një oligark rus i sanksionuar, pasi McGonigal u tërhoq nga FBI. Hetimi përcaktoi se para daljes në pension, dhe ndërsa shërbente si SAC, McGonigal filloi të ndërtonte një marrëdhënie me agjentin e Deripaskës me shpresën për të bërë biznes me Deripaskën pasi McGonigal të tërhiqej nga FBI. Në gusht 2023, McGonigal u deklarua fajtor në Gjykatën e Distriktit të SHBA-së për Distriktin Jugor të Nju Jorkut (SDNY) për komplot për të shkelur IEEPA-n dhe për të kryer pastrim parash.
Në përfundimet e investigimit thuhet se “veprimet e McGonigal, ndërsa ai shërbeu si një zyrtar i lartë i FBI-së i ngarkuar me mbikëqyrjen e çështjeve të ndjeshme të kundërzbulimit dhe krimit, ishin të jashtëzakonshme dhe shkatërruan vlerat thelbësore të FBI-së për integritetin, llogaridhënien dhe lidershipin që pritet nga i gjithë personeli i FBI së. Përmes skemës së tij, McGonigal dëmtoi qëllimisht një çështje të rëndësishme penale, shkeli besimin publik dhe kompromentoi integritetin e FBI-së.”
