KORÇË- Detaje të reja janë zbardhur në lidhje me plagosjen e regjistruar në Korçë mbrëmjen e sotme. Fillimisht u reaportua për një të plagosur por bilanci është rritur në tre të plagosur. Njëri prej të plagosurve mësohet se ka marrë plagë në bark.
Përplasja mes dy grupeve mësohet se ka nisur për motive banale. Në sherr janë përfshirë disa persona. Të plagosurit janë dërguar menjëherë në Spitalin Rajonal të Korçës për ndihmë mjekësore. Ndërkohë bëhet me dije se janë shoqëruar edhe tre persona në polici. Policia ndodhet në vendngjarje dhe ka nisur hetimet për të zbardhur rrethanat e ngjarjes.
