Charles Spencer, vëllai i Princeshës Diana, përkujton motrat e tij në përvjetorin e 28-të të ndarjes tragjike nga jeta. Në një postim në Instagram, ai ndau një fotografi të një buqete me trëndafila të bardhë dhe rozë, të mbledhura nga kopshti i Althorp-it, vendi ku Diana prehet që nga viti 1997. “Lulet që i këputëm këtë mëngjes nga kopshtet e Althorpit për Ishullin,” shkroi ai, duke iu referuar varrit të saj në ishullin privat të pronës familjare dhe e përshkroi ditën si një “ditë të pamundur”.
Princesha Diana humbi jetën më 31 gusht 1997, në një aksident tragjik automobilistik në Paris, së bashku me të dashurin e saj Dodi Fayed dhe shoferin Henri Paul. Në momentin e tragjedisë, Diana la pas dy djem, Princin William, atëherë 15 vjeç, dhe Princin Harry, 12 vjeç. Charles Spencer zgjodhi ishullin e Althorp-it si vendin e prehjes për motrën e tij, duke pasur parasysh dëshirën që ajo të prehej në një hapësirë të sigurt dhe të qetë, ku djemtë e saj mund të vizitonin pa ndjerë presionin e vëmendjes publike.
Edhe pse varri i saj nuk është i hapur për publikun, adhuruesit mund të nderojnë kujtimin e saj pranë memorialit të ndërtuar në kopshtet e Althorp-it, i cili u ngrit në korrik të vitit 1998. Ky memorial ka shërbyer si një vend simbolik për ata që dëshirojnë të kujtojnë një grua e cila është parë nga shumë si “Princesha e Zemrave”.
Diana, e njohur për angazhimet e saj humanitare dhe shoqërore, vazhdon të mbetet një figurë e rëndësishme në kulturën popullore dhe në zemrat e shumë njerëzve, dhe përkujtimi i saj përthekon emocionet e thella që ka lënë pas. Kjo ditë shërben si një përkujtim i dhimbjes, por edhe i dashurisë për një grua që ka prekur jetët e shumë individëve në të gjithë botën.
