Një ngjarje e rëndë ka tronditur opinionin publik në Meksikë, pasi influencuese e njohur, Esmeralda Ferrer Garibay, 32 vjeçe, u gjet e vdekur brenda një kamioni së bashku me bashkëshortin dhe dy fëmijët e mitur. Trupat e saj, bashkëshortit 36-vjeçar dhe dy fëmijëve, një djalë 13 vjeç dhe një vajzë 7 vjeçe, u gjetën të braktisur në një automjet në qytetin Guadalajara të shtetit Jalisco.
Investiguesit kanë lidhur këtë ngjarje me një garazh mekanik, ku u gjetën gjurmë gjaku dhe prova balistike, duke lënë të kuptohet se vrasjet ndodhen në atë lokalitet. Dy punëtorë të garazhit u arrestuan dhe u morën në pyetje, por më pas u liruan për mungesë provash. E pazakontë ishte se, ndërsa një prej punonjësve po dilte nga zyra e prokurorit, ai u rrëmbye nga një grup të armatosur, ndërsa tjetri ia doli të largohej.
Esmeralda, e njohur si “Esmeralda FG” në rrjete sociale, kishte një numër të madh ndjekësish, duke ushqyer përmbajtje që fokusohej në jetën luksoze, pushimet në resorte të shtrenjta dhe veshjet e markave të njohura. Ajo kishte një prirje për të kënduar këngë që glorifikojnë figura të karteleve të drogës, gjë që ka ngritur dyshime mbi natyrën e jetës së saj dhe bashkëshortit.
Sipas autoriteteve, pista kryesore e hetimit sugjeron se bashkëshorti i Esmeraldës kishte qenë objekti i sulmit, pasi ai merrej me tregti makinash dhe produkteve bujqësore në Michoacán, një zonë e njohur për prezencën e grupeve kriminale. Ngjarja ka ngjallur një debat të gjerë në rrjetet sociale, duke tronditur komunitetin online që ndiqte jetën e influencueses. Kjo vrasje mbetet ende e pazgjidhur, duke nxitur frikë dhe shqetësim për sigurinë në rajon.
