Policia e Shtetit ka hapur aplikimet për pranim në radhët e saj, duke ofruar 402 vende në funksionet e rolit bazë për ata që kanë përfunduar arsimin e mesëm. Ky proces ka si qëllim rifreskimin e strukturave të policisë dhe plotësimin e nevojave për punonjës të rinj, duke siguruar një konkurs të drejtë, transparent dhe paanshëm. Aplikimet janë të hapura nga data 1 deri më 21 Shtator 2025.
Kriteret për aplikim përfshijnë: të jesh shtetas shqiptar, mosha të mos kalojë 30 vjeç, të kesh një gjatësi minimale prej 170 cm për meshkujt dhe 160 cm për femrat, si dhe të kesh përfunduar arsimin e mesëm. Aplikantët gjithashtu duhet të jenë në gjendje të mirë shëndetësore, të mos kenë histori kriminale dhe të posedojnë patentë të tipit B. Dokumentacioni i nevojshëm për aplikim përfshin formularin e vetëdeklarimit, fotokopje të kartës së identitetit, dhe vërtetime të tjera që dëshmojnë përfaqësimin e kritereve.
Për të kaluar nëpër procesin e pranimit, aplikantët duhet të kalojnë disa faza, përfshirë verifikimin e dokumentacionit, kontrollin shëndetësor, testin fizik, intervistat dhe verifikimin e integritetit. Nëse aplikantët nuk përmbushin kritere të caktuara ose nuk paraqiten në kohën e caktuar, ata mund të skualifikohen.
Cdo aplikant ka të drejtën e ankesës nëse ndjen se procesi i konkurrimit nuk është zhvilluar në mënyrë të drejtë. Formularët e aplikimit mund të shkarkohen nga faqja zyrtare e Policisë së Shtetit ose të merren fizikisht në drejtoritë vendore. Trajnimi për aplikantët që kalojnë me sukses të gjitha fazat është 9-mujor, përfshirë 6 muaj teori dhe 3 muaj praktikë, dhe ata që e përfundojnë trajnimin emërohen në pozitat përkatëse.
Policia e Shtetit i fton të rinjtë që të aplikojnë, duke theksuar rëndësinë e meritokracisë dhe mundësive të barabarta.
