TIRANË- Mark Crawford, president i republikanëve jashtë Amerikës ka folur së fundmi në lidhje me postimin e presidentit amerikan, Donald Trump lidhur me George dhe Alex Sorosin. Crawford në një intervistë për Syri TV ngriti shqetësimin lidhur me organizatat që kanë marrë fonde nga taksapaguesit amerikanë, përfshirë edhe ato të lidhura me George Sorosin.
Ai u shpreh se Trump po bën lidhje me disa organizata që kanë mbështetur politikën ndërsa shtoi se presidenti ka dyshimet se këto organizata mund të kenë një lidhje mes tyre dhe dhunës që ndodhi në Los Angeles. Crawford tha se duhet një investigim i thellë mbi rolin e këtyre organizatave në protestat e fundit. Sipas tij është e drejtë e tyre të protestohet paqësisht, por jo me dhunë.
“Është interesante sepse shumë rrallë mund të përmendet një organizatë specifike dhe disa njerëz, por ai ka përmendur këtë organizatë e cila mund të jetë mafia apo organizatë kriminale. Krimi mund të jetë shumë i gjerë; në këtë kontekst, ajo që përmendi Trump është diçka që ne e dimë se ekzistojnë organizata që janë të përfshira në politikë. Ka dhe nga ata që krijojnë protesta paqësore, por kemi pasur edhe raste të dhunshme kundër institucioneve dhe policisë; kemi organizata edhe që mbështesin protesta paqësore.
Presidenti Trump po bën lidhje me disa organizata që historikisht kanë mbështetur politikën, dhe Trump tha se ndoshta ka një lidhje mes tyre dhe dhunës që ndodhi në Los Angeles. Kështu, akoma nuk janë publikuar të gjitha detajet, por kemi dëgjuar edhe thashetheme, edhe nga SHBA dhe vende të tjera, se disa organizata marrin fonde nga USAID, p.sh., dhe në një mënyrë qeveria amerikane mund të jetë duke mbështetur edhe protestuar.
Kjo është ajo që duhet investiguar: nëse ka njerëz që po shkaktojnë dhunë me këto organizata që kanë ushtruar dhunë. Organizatat që janë të lidhura me Sorosin kanë marrë para nga tatimpaguesit amerikanë dhe kjo është shqetësuese. Duhet të kujtojmë që është e drejta e tyre të protestojnë, por jo të jenë të dhunshëm.
Unë sot isha me disa miq amerikanë dhe ata nuk janë dakord për të paguar asnjë qindarkë për gjëra që nuk janë në interes të amerikanëve, dhe nëse këto shkojnë për OJF që mbështesin gjëra që cenojnë demokracinë, ka amerikanë që mendojnë se pse duhet ata ta bëjnë këtë,” tha ai.
I pyetur në lidhje me akuzën e krimit të organizuar nësë shtrihet si proces hetimor edhe përtej SHBA, ai u shpreh se varet nga krimi dhe nësë shkelja është kyer në në SHBA atëherë duhet hetuar atje. Sipas tij vendi ku ka ndodhur krimi ka për detyre që të hetojë rastin.
“Varet nga krimi. Nëse krimi është bërë në Amerikë, ai duhet hetuar në SHBA. Nëse krimi është bërë në Shqipëri apo në ndonjë vend tjetër, është punë e shqiptarëve nëse ata do ta hetojnë.
Hapi i parë është që të mos vazhdojmë që të mbështesim financiarisht këtë punë. Tani jemi duke parë dhe kush po financon dhe kush po nxit veprimet që janë në proces e që janë jo paqësore dhe pasi të kemi zgjidhur problemet brenda Amerikës mund të flasim për çfarë ndodh jashtë,” shtoi ai.
