SHKODËR- Personi që shihni në foto është 61-vjeçari që u vra mbrëmjen e sotme në Shkodër. 61-vjeçari, Pirro Prroni nuk arriti t’iu mbijetonte plagëve të marra nga arma e zjarrit dhe ka ndërruar jetë. Ngjarja e rëndë ka ndodhur në fshatin Abat rreth orës 20:00.
Autori i dyshuar i ngjarjes është identifikuar si Ndoc Maçaj dhe është shpallur në kërkim. Dyshohet se viktima dhe autori janë kushërinj ndërsa shkaqet e kësaj ngjarjeje të rëndë janë ende të paqarta. Policia ndodhet në vendin e ngjarjes dhe po punon për kapjen e autorit.
