DURRËS- Dy persona janë ndaluar mbrëmjen e sotme gjatë aksionit të zhvilluar nga policia në Shkozet të Durrësit. Mësohet se gjatë aksionit janë arrestuar Aldo Mustafa dhe Arbi Haxhiu. Të arrestuarit konsiderohen me rrezikshmëri të lartë ndërsa ata janë të përfshirë në ngjarje kriminale në vend.
Raportohet se ta gjithashtu janë ndaluar nga policia edhe më parë për armëmbajtje. Mustafa rezulton i ndaluar edhe më parë nga policia konkretisht në vitin 2023 ku u kap me armë. Dyshohet se ai ishte nisur të kryente një vrasje për hakmarrje pasi i ishte vendos tritol në automjet. Ai gjithashtu mësohet se është pjesë e grupit të “Rrumit të Shijakut”.
Ai është arrestuar edhe në tentativë për të kryer një vrasje më 2021. Mustafa ka qenë i dënuar më parë për veprat penale “Kanosja”, “Prodhimi dhe shitja e lëndëve narkotike”, dënuar me 10 vite burg në Gjermani.
