Një ngjarje tragjike ka ndodhur në Volos të Greqisë, ku 36-vjeçarja shqiptare, Marjena Nakoleci, u vra nga bashkëshorti i saj, Pandeli Nakoleci. Detaje të reja janë zbardhur nga mediat greke, duke përcjellë momentet e fundit të jetës së Marjenës dhe ngjarjen si është zhvilluar.
Sipas raportimeve të Zougla.gr, gjatë incidentit, Marjena përpiqej të shpëtonte jetën duke u arratisur nga bashkëshorti i saj, i cili e ndoqi me një thikë. Ai së pari hyri me forcë në kuzhinë, duke thyer derën prej druri që ajo përpiqej ta mbyllte për t’u mbrojtur. Pandeli e ndoqi atë përmes apartamentit dhe në korridor, duke e kapur në fund. Gjatë përpjekjes për ta ndaluar, ai i shkaktoi lëndime të rënda, duke e lënë atë të gjakosur në tokë, përkundër përpjekjeve të djalit të tyre 13-vjeçar për të intervenuar.
Pas kryerjes së krimit, Pandeli u largua nga vendi i ngjarjes me thikë në dorë, duke shpresuar të shmangte arrestimin. Ai më pas u shpreh se ndjente pendesë për veprimin e tij dhe kërkoi falje nga familja, duke e përshkruar Marjenën si nënën e fëmijëve të tij. Ai pretendoi se shkak për reagimin e tij ishte një konflikt lidhur me një abort, ku Marjena e kishte akuzuar atë për atësinë e fëmijës.
Në fjalimin e tij, 41-vjeçari shkroi se kishte probleme psikologjike dhe madje përmendi një tentativë për vetëvrasje në qershor, që iu shmang falë ndërhyrjes së djalit të tij.
Ngjarja ka shkaktuar tronditje në komunitet dhe ka nxitur debate mbi dhunën në familje, si dhe nevojën për mbështetje psikologjike për individët që përballen me probleme emocionale. Rasti është ende nën hetim dheveprimi i autoriteteve do të jetë i rëndësishëm për procedurat e mëtejshme ligjore.
