Pas përfundimit të marrëveshjes për Viktor Boniface, AC Milan ka fokusuar vëmendjen e saj te talenti danez Conrad Harder, i cili pritet të bëhet sulmuesi i ri i kuqezinjve. Sipas mediave italiane, zhvillimet rreth këtij transferimi u bëhen të qarta të dielën në mëngjes, gjatë një takimi në Casa Milan që përfshinte drejtuesit Giorgio Furlani, Igli Tare dhe trajnerin Massimiliano Allegri. Agjenti i Harder u pa të largohej prej selisë, duke lënë të kuptohet se negociatat kishin hyrë në fazën përfundimtare.
Një moment tjetër që rriti spekulimet për transferimin e Harder ishte prania e agjentit të tij në San Siro gjatë ndeshjes me Cremonese, sidomos në kushtet kur dyshimet për gjendjen fizike të Boniface kanë pakësuar interesin e Milanit për të. Sot, një takim tjetër është mbajtur me agjentin e 19-vjeçarit për të finalizuar detajet e kontratës, që pritet të jetë pesëvjeçare. Pagë fillestare do të jetë 1.5 milionë euro në sezon, me rritje të pritshme çdo vit. Sporting Lisbon do të përfitojë 24 milionë euro plus 3 milionë euro bonuse dhe 10% të një shitjeje të ardhshme.
Conrad Harder, i lindur në vitin 2005, është rritur në akademinë e Nordsjælland, ku ka shkëlqyer me 27 gola në 24 ndeshje për ekipin U-19. Ai debutoi në Superligën daneze më 4 qershor 2023 dhe shumë shpejt u bë pjesë e ekipit të parë. Sezonin e kaluar, pasardhës i Viktor Gyökeres, Harder ka regjistruar 9 gola dhe 4 asistime në 43 ndeshje.
Me këtë strategji, AC Milan synon të forcojë skuadrën e saj dhe të sigurojë një talent të ri dhe të premtueshëm për sulmin, që do të sjellë një element të ri në perspektivën afatgjatë të klubit. Për Milanin, Harder është një investim që mund të shndërrohet në një aset të çmuar në të ardhmen.
