Forca e Gardës Kombëtare të SHBA-së ka filluar të mbajë armë në Uashington si pjesë e operacioneve të Presidentit Donald Trump për të trajtuar atë që ai e quan “pushtim bandash”. Rreth 2,200 ushtarë të forcave speciale janë vendosur në kryeqytet, megjithatë, përdorimi i forcës është i lejuar vetëm si mjet i fundit. Trump ka pretenduar se krimi në qytet është rritur, pavarësisht statistikave policore që tregojnë një rënie të dhunës mes viteve 2023 dhe 2024.
Presidenti akuzon kryebashkiaken demokrate, Muriel Bowser, për shpërndarjen e statistikave “të rreme” dhe kërcënon me marrjen e kontrollit të plotë të qytetit. Ai kishte dërguar më parë Gardën Kombëtare në Los Angeles për të menaxhuar protestat dhe trazirat. Sipas ligjit, rezervistët e Gardës Kombëtare mund të dërgohen vetëm në rast emergjencash të miratuara nga guvernatorët, por Trump ka shprehur synimin për ta shkelur këtë rregull.
Kritikët, përfshirë udhëheqësin e pakicës demokrate, Hakeem Jeffries, argumentojnë se Trump po krijon “kriza të fabrikuara” për të justifikuar dërgimin e trupave në qytete të mëdha të udhëhequra nga demokratët. Trump ka kërcënuar gjithashtu për dërgimin e trupave në qytete si Çikago dhe Nju Jork, pavarësisht arsyetimit ligjor që kërkon miratimin e guvernatorëve për një veprim të tillë.
Guvernatorët e shteteve si Illinois dhe Maryland janë shprehur se nuk do të lejojnë përdorimin e Gardës Kombëtare për të përballuar krimin, duke e quajtur këtë veprim jokushtetues. Në një përplasje mes qeverisë federale dhe autoriteteve lokale, guvernatori i Marylandit, Wes Moore, ironizoi për qëllimet e Trump për të vizituar Baltimore.
Sipas raporteve, Pentagoni po planifikon të zgjasë praninë e Gardës Kombëtare si përgjigje ndaj krimit dhe problemit të imigracionit në qytetet e mëdha, por ende nuk ka dhënë detaje të plota. Presidenti ka shprehur se përkushtimi tij është të bëjë qytetet “të sigurta dhe shumë të sigurta”, por këtë plan e shohin me skepticizëm shumë liderë lokalë dhe analistë.
