SARANDË- Një aksident i rëndë është regjistruar mbrëmjen e sotme në aksin Sarandë-Delvinë. Aksidenti ka rezultuar fatal për dy persona të cilët kanë ndërruar jetë. Ngjarja e rëndë ka ndodhur në vendin e quajtur “Pularia”.
Viktima kanë mbetur dy vajza nga Kopaçeza. Gjithashtu është plagosur rëndë një person tjetër. Ende nuk dihen shkaqet e aksidentit dhe sa mjete janë përfshirë. Policia, zjarrfikëse dhe ambulanca ndodhen në vendin e ngjarjes. I plagosuri është transportuar drejt spitalit të Sarandës.
