Nicolas Cage po negocion për rolin kryesor në sezonin e pestë të serialit të njohur “True Detective” në HBO. Sipas raportimeve nga Variety, aktori është shumë pranë finalizimit të marrëveshjes, ndërsa detajet e historisë mbeten ende të paqarta. Ajo që dihet është se ngjarjet do të zhvillohen në New York.
Nëse marrëveshja e Cage përfundon me sukses, ai do t’i bashkohet një liste të gjatë aktorësh të njohur që kanë interpretuar në këtë serial, përfshirë emra si Matthew McConaughey, Woody Harrelson, Colin Farrell, Rachel McAdams, Mahershala Ali dhe Jodie Foster. Katër prej këtyre aktorëve kanë qenë të nominuar për çmime Emmy, ndërsa Foster ka fituar çmimin Emmy dhe një Golden Globe për rolin e saj në sezonin e katërt.
Ky projekt do të shënojë rolin e dytë të Cage në televizion. Në vitin 2024, ai u njoftua se do të interpretojë Spider-Man Noir në një seri “live-action” për MGM+ dhe Amazon Prime Video, me premierë të parashikuar për vitin 2026. Cage është një aktor i njohur dhe fitues i çmimit Oscar për Aktorin më të Mirë në filmin “Leaving Las Vegas”, si dhe ka marrë një tjetër nominim për “Adaptation”. Ai është i njohur për role të paharrueshme në filma si “Moonstruck”, “Raising Arizona”, “Face/Off”, “National Treasure” dhe “Ghost Rider”. Projeket e tij më të fundit përfshijnë “Pig”, “Longlegs”, “The Unbearable Weight of Massive Talent”, “Dream Scenario” dhe “Renfield”.
Sezoni i pestë i “True Detective” u konfirmua në shkurt të vitit 2024, duke ndjekur suksesin e madh të sezonit të katërt, “True Detective: Night Country”. Issa López do të rikthehet si shkrimtare dhe drejtuese e serialit, në kuadër të marrëveshjes së saj me HBO. Kjo ka ngjallur interesin e adhuruesve, të cilët po presin me padurim të máshtrohen sërish nga ky serial i njohur për narrativën e tij të thellë dhe aktorët e talentuar që ka nxjerrë në pah.
