Portugalia po përballet me zjarre të mëdha pavarësisht rënies së temperaturave, ku rreth 1,600 zjarrfikës dhe mjete ajrore janë mobilizuar për shuarjen e tyre, sipas Agjencisë së Mbrojtjes Civile. Një nga zjarret më të mëdha ndodhi në Arganil dhe ka djegur një sipërfaqe prej rreth 600,000 hektarësh, sipas profesor Paulo Fernandes nga Universiteti i Tras-os-Montes.
Fatkeqësisht, vala e zjarreve ka shkaktuar tre viktima dhe ka lënduar rëndë dhjetëra persona, kryesisht zjarrfikës. Njëherësh, flakët kanë shkatërruar shtëpi dhe toka bujqësore. Që nga fundi i korrikut, situata është përkeqësuar, por ka pasur një qetësim të përkohshëm gjatë ditës së djeshme falë uljes së temperaturave, një tendencë që pritet të vazhdojë.
Përballë këtij situate emergjente, Portugalia ka kërkuar ndihmë përmes Mekanizmit Evropian të Mbrojtjes Civile, dhe në terren janë dislokuar avionë dhe helikoptera nga Suedia, Greqia dhe Franca. Kryeministri Luis Montenegro, i cili është përballur me kritika për menaxhimin e krizës, theksoi se është e pamundur për të parashikuar shfaqjen e të gjitha zjarreve.
Pas një mbledhjeje të kabinetit qeveritar, ai njoftoi masa të menjëhershme për ndihmën e banorëve dhe fermerëve të goditur nga flakët dhe po ashtu pranoi se ka nevojë për një reflektim të thellë mbi menaxhimin e pyjeve dhe sistemin e mbrojtjes civile. Pritet që Montenegro të raportojë për këtë situatë para parlamentit të mërkurën, në përgjigje të kërkesës së opozitës.
Sipas të dhënave të EFFIS, rreth 2.76 milionë hektarë janë djegur që nga fillimi i këtij viti në Portugali, vendi që mban rekordin evropian për sipërfaqen më të madhe të djegur që nga vitin 2006. Duke marrë parasysh statistikën, 5.63 milionë hektarë janë djegur në vitin 2017, një vit tragjik me 119 viktima, ndërsa deri tani në 2023 janë djegur rreth 2.16 milionë hektarë.
