Policia e Tiranës ka nisur hetimet dhe ka marrë nën akuzë një administrator kompanie dhe një përgjegjës sigurie pasi dy punëtorë në kantiere ndërtimi janë plagosur gjatë punës.
Sipas raportimeve, A.Ç., 46 vjeç, me detyrë administrator i një firme ndërtimi, është nën hetim pasi një punëtor ka rënë nga lartësia e një objekti në ndërtim. Punëtori Q.B., 43 vjeç, aktualisht ndodhet në spital nën kujdesin e mjekëve.
Gjithashtu kanë nisur hetimet edhe për një ras tjetër. Bëhet fjalë për E.M., 33 vjeç, me detyrë përgjegjës sigurie në një firmë ndërtimi pasi gjatë punës aksidentalisht është dëmtuar punëtori me iniciualet B.H., 46 vjeç, i cili aktualisht ndodhet në spital jashtë rrezikut për jetën por nën kujdesin e mjekëve.
Lidhur me të dy rastet në fjalë kanë nisur hetimet nga autoriutetet mbi dyshimet për mungesë të kushteve të sigurisë në punë.
