TURQI – José Mourinho (trajneri i Fenerbahçes), para ndeshjes së parë kundër Benficës në fazën eliminatore të Ligës së Kampionëve, u shpreh:
“Ajo që dua nuk më ndihmon. Do të doja të luaja kundër Nice, por është Benfica. Do të doja ta luaja ndeshjen e dytë në shtëpi, por ne po fillojmë në shtëpi. Ajo që dua nuk është ajo që po ndodh. Duhet të përballemi me realitetin. Realiteti është Benfica dhe realiteti është se ndeshja e parë është në shtëpi.”
Kundër Feyenoordit, gjithçka u vendos këtu në shtëpi. Por të mërkurën, asgjë nuk do të vendoset këtu. Dhe kjo padyshim që bën diferencën. Por nuk e di se si do të mendojë Bruno Lage. Planifikoj ta luaj këtë ndeshje, pa menduar se do të ketë një rikthim. Po luajmë për të fituar.
Nëse barazojmë, barazojmë dhe do të shkojmë në ndeshjen e dytë. Nëse humbasim me diferencë të ngushtë, jeta vazhdon dhe do të shkojmë në Lisbonë për të luftuar. Por nëse humbasim me shumë diferencë, padyshim, gjithçka ka mbaruar. Do ta luaj këtë ndeshje pa menduar se do të ketë një ndeshje të dytë. Le të luajmë për të luajtur.
Në parim, refuzoj të them se Benfika është favorite. Por kjo është vetëm çështje parimi, sepse padyshim, unë e njoh aftësinë e tyre, cilësinë e tyre, përvojën e tyre. Fakti që ndeshja e dytë është në shtëpinë e tyre… Ka disa faktorë që e vendosin Benficën në një nivel më të lartë se ne.
Por, në parim, nga respekti për veten time dhe pa asnjë mungesë respekti ndaj kundërshtarit tonë, refuzoj të them se nuk kemi asnjë shans për të kaluar tutje. Do të japim gjithçka në këto dy ndeshje për të provuar, për të provuar të kualifikohemi në fazën e grupeve”.
