Naun Shundi, një figurë e njohur në teatrin shqiptar si aktor, regjisor dhe dramaturg, po përballet me një sfidë të madhe shëndetësore, konkretisht me kancer të lëkurës. Familjarët e tij, në veçanti vajza e tij, Rea Shundi, kanë lançuar një fushatë në platformën “GoFundMe” për të mbledhur 250 mijë euro, sasia e nevojshme për trajtimin e tij mjekësor.
Rea ka theksuar rëndësinë e kësaj fushate duke e cilësuar Naun Shundin si një personalitet që ka kontribuar jo vetëm në pasurimin e artit shqiptar, por edhe në mbështetje të artistëve rinj. Ai ka kaluar 46 vjet në Teatrin Kombëtar të Shqipërisë, ku ka luajtur në më shumë se 100 role në teatër dhe 20 në film. Përveç karrierës së tij si artist, Shundi është një nga themeluesit e Teatrit të parë privat në Shqipëri, “Zonja e Bujtines.”
Trajtimi i kancerit kërkon shpenzime të konsiderueshme, ndihma për të cilat familja Shundi nuk mund të përballojë e vetme. Këto shpenzime përfshijnë procedurat mjekësore, ndërhyrjet, blerjen e medikamenteve të specializuara dhe analizat e shpeshta. Të gjitha fondet e mbledhura do të përdoren në mënyrë transparente për të mbuluar këto shpenzime dhe për të siguruar që trajtimi i Shundit të jetë efektiv dhe i suksesshëm.
Rea Shundi e përfundon thirrjen e saj duke falenderuar publikun për çdo kontribut, duke përshkruar mbështetjen si një akt solidariteti dhe shprese. Ajo thekson se çdo kontribut, pavarësisht madhësisë, është një hap më pranë shërimit të babait të saj. Kjo fushatë ka zgjuar përgjigje pozitive nga komuniteti artistik dhe artdashësit, të cilët janë të gatshëm të kontribuojnë për rikthimin e njërit prej figurave më të njohura të artit shqiptar.
Fushata për Naun Shundin është një thirrje për bashkim dhe mbështetje në një moment të vështirë, duke dëshmuar forcën e solidaritetit në art dhe shoqëri.
