TIRANË- Deputetja e Partisë Demokratike, Albana Vokshi ka denoncuar mungesën e aparatit të brakiterapisë në QSUT. Vokshi thekson se aparati është jashtë funksioni dhe se kjo nuk është hera e parë që ndodh duke vënë në rrezik jetën e pacientëve me kancer.
Ajo ka theksuar se seancat me këtë aparat janë jetike dhe se çdo seancë që nuk kryhet rrezikon jetën e pacientit. Më tej Vokshi shtoi se qindra milionë euro harxhohen për koncesione abuzive ndërsa pacientët nuk marrin dot terapitë. Ajo e ka cilësuar këtë një krim shtetëror dhe se SPAK është bashkëfajtor pasi pavarësisht kallëzimeve ka heshtur.
“Skandal i përsëritur në Onkologjik! Aparati i brakiterapisë në QSUT është sërish jashtë funksionit. Dhjetëra pacientë me kancer mbeten pa trajtim jetik. Çdo seancë e humbur = rrezik për jetën!
Nuk është hera e parë. Nuk është rast i izoluar. Prej një viti kam kallëzuar në SPAK Ramën, ministrat e Shëndetësisë, drejtuesit e QSUT e Onkologjikut për vrasje me dashje, shpërdorim detyre, neglizhencë mjekësore. Sot janë të njëjtët drejtues në Qeveri, e në Onkologjik. Asgjë nuk ka ndryshuar. Asnjë nuk mban përgjegjësi për shëndetin apo jetët e humbura.
Sot, ndërsa qindra milionë euro shkojnë për koncesione abuzive (Check-up, sterilizim, laboratorë), pacientët nuk marrin dot terapitë që u shpëtojnë jetën. Ky është krim shtetëror. Dhe SPAK, duke heshtur, është bërë bashkëfajtor,” shkruan Vokshi.
https://www.instagram.com/p/DNakkWaIulM/embed/captioned/?cr=1&v=14&wp=1218&rd=https%3A%2F%2Fwww.dosja.al&rp=%2Fpolitike%2Faparati-i-brakiterapise-ne-qsut-serish-jashte-funksionit-vokshi-dhjeter-i454249%3Ffbclid%3DIwZXh0bgNhZW0CMTEAAR67tbg-3C6TQtSc6Qowqxq2Jq3EBx2vgyfnfRlS4lsemn4c5tCdZg4Y4MIwaw_aem_FAX7gN3KZc2NdgCMWS#%7B%22ci%22%3A0%2C%22os%22%3A903%2C%22ls%22%3A387%2C%22le%22%3A900%7D
