Dy ish-bashkëpunëtorë të Priscilla Presley, Brigitte Kruse dhe Kevin Fialko, kanë ngritur një padi në Gjykatën e Qarkut të Los Anxhelosit, duke akuzuar Priscillën, nënën e Elvis Presley-t, për mashtrim dhe shkelje të kontratave. Sipas padisë, Priscilla ka për qëllim të forcojë pozitat e saj në perandorinë financiare të Elvis dhe, për më tepër, akuzat tregojnë se ajo mund të ketë ndikuar në vdekjen e Lisa Marie Presley, vajzës së saj.
Kruse, e specializuar në ankandet e objekteve të Elvisit, dhe Fialko, koleksionist kujtimesh, pretendojnë se kanë punuar me Priscillën për të maksimizuar fitimet nga emri i saj. Ata theksojnë se nëntorin e kaluar e ndihmuan atë të stabilizojë financat, por ajo i ndërpreu marrëdhëniet shpejt, duke mos iu paguar për angazhimet e tyre, përfshirë për filmat lidhur me Priscillën.
Një aspekt veçanërisht i rëndësishëm në këtë padi është akuza e abuzimit të situatës pas vdekjes së Lisa Marie Presley, e cila kishte ndërmend ta shkarkonte Priscillën nga roli i administratores. Ata pretendojnë se, pas arrestit kardiak të Lisa Marie në janar 2023, Priscilla ka shpërfillur dëshirat e saj të shkruara dhe ka lejuar shkëputjen nga aparaturat që e mbaheshin në jetë, një veprim që sipas paditësve ishte në kundërshtim me standardet mjekësore.
Padia përmban një deklaratë të supozuar të Priscillës, thënë pas vdekjes së Lisa Marie: “Unë jam mbretëresha. Unë e drejtoj Graceland-in”, e cila tërheq vëmendjen për motivet e saj për të fituar kontroll mbi pasurinë familjare, sesa për mirëqenien e vajzës.
Avokati i Priscillës, Marty Singer, ka mohuar akuzat, duke i quajtur ato “të turpshme dhe të pabaza”, dhe ka thënë se përpjekjet e Kruse dhe Fialko do të përfundojnë në dështim. Ai gjithashtu theksoi mbështetjen e Riley Keough, mbesës së Priscillës, për gjyshen e saj, duke e quajtur padinë një tentativë për të dëmtuar reputacionin e saj. Elvis dhe Priscilla kanë qenë të martuar nga 1967 deri në 1973, ndërsa ai ndërroi jetë në 1977. Priscilla tani është 80 vjeçe.
