MALIQ- Enedio Guri, autori i vrasjes së 14-vjeçarit në Maliq publikonte foto me armë zjarri në rrjete sociale. Sipas fotove që po qarkullojnë në media, Guri përveçse pozave me armë zjarri dhe cigare, i shoqëronte me shkrime kërcënuese.
“Por shfaqem kur ty s’ta pret mendja”, shkruan në një foto teksa konsumon cigare.
Nërsa në një foton tjetër ku në dorë mban një armë zjarri tip pushkë shkrun: “Mos më kërko un nuk vi”.
Gjithashtu jashtë kamerave, dy shokë e të miturve kanë treguar se mes tyre ka pasur më parë një konflikt verbal. Ata e përshkruajnë autorin e dyshuar si një adoleshent “të lëvizshëm” që shpeshherë shkaktonte probleme me bashkëmoshatarët.
Si ndodhi ngjarja
Ngjarja tragjike ka ndodhur pasditen e 14 gushtit në ambientet e jashtme të lokalit në fshatin Pirg të Maliqit. Erald Xhejo 14 vjeç është vrarë nga bashkëmoshatari i tij gjatë një sherri në një lokal. I mituri nuk ka mundur t’i mbijetojë plagëve të marra nga thika dhe fatkeqësisht ndërroi jetë në spital. Dy të miturit, autori Enedio Guri dhe viktima Erald Xhejo kanë qenë duke folur fillimisht e më pas kanë nisur të debatojnë, duke vijuar më tej me përdorimin e armëve të ftohta, përkatësisht thikë. Autori Enedio Guri ende nuk ka dhënë asnjë dëshmi për ngjarjen. Gjithashtu sipas policisë autori dhe viktima kanë pasur konflikt më herët mes tyre, por ende mbetet e paqartë arsyeja.
