TIRANË- Banda kriminale e Franc Çopjas dhe Ervis Çelas është organizata shqiptare e drogës e cila transportonte kokainë nga Amerika Latine drejt Europës. Nga droga banda kishte përifitime miliona euro të cilat ata më pas i fshihnin ose i konvertonin në flori.
Nga përfitimet e mëdha monetare banda kishte arritur të blente me avionë privatë me të cilën kryhej edhe tranporti i mallit duke sjellë që puna e tyre të ishte suksesshme dhe të arrinte në destinacion e sigurt pa patur dyshime se do kapen sasitë.
Gjatë një bisede zhvilluar në dhjetor të 2020 të kryer në aplikacionin Sky Ecc, ngrihen dyshime se Ervis Çela ka nisur një sasi prej rreth 8 tonë kokainën si dhe ka blerë një avion të vogël të cilin e përdor për të transportuar mallin.
“Seriozisht e ke që ke blerë avion??? Ahahaha lart më lart të pafsha zemra, ta gëzosh zemra”, thuhet në dosje.
Dorëzimi i parave bëhej në vende të mbyllura, kryesisht në garazhe, ku trafikantët sipas bisedave të përgjuara shpreheshin se ishte vend më i sigurt se sa t’i dorëzonin në rrugë. Në dosje përmendet po ashtu një episod kur në Shqipëri është dorëzuar shuma prej 595 mijë eurosh.
Një pjesë e parave groposej, ashtu sikundër edhe sasi droge që groposeshin nga trafikantët jashtë territorit shqiptar e që hidheshin në treg në kohë më të përshtatshme. Në një tjetër bisedë të kryer mes dy drejtuesve të grupit, Ervis Çela dhe Franc Çopja, diskutojnë për fshehjen e parave nën rrënjët e ullinjve në Shqipëri.
