TIRANË- Gjykata e Tiranës, pas disa orësh seancë ka vendosur që Panorama Group të rikthehet menjëherë në godinën. Gjykata Tiranës, përkatësisht Dhoma Civile u dha të drejtë gazetarëve për marrjen e sendeve personale dhe profesionale.
Gjykata ka urdhëruar që brenda 48 orëve të kthehen të gjitha sendet, që një ditë më parë u morën me kamionë në mënyrë të paligjshme nga kompania KAYO, e drejtuar nga Ardi Veliu.
Gjithashtu në vendimin e saj, Gjykata ka cilësuar si të paligjshme ndërhyrjen dhe ndërprerjen e punës përmes sekuestrimit të sendeve personale dhe të punës së gazetarëve të grupit mediatik.
Ky vendim shihet si një hap i rëndësishëm në mbrojtjen e së drejtës së medias për të ushtruar aktivitetin e saj pa pengesa dhe ndërhyrje të jashtëligjshme.
