Mijëra qytetarë të Koresë së Veriut po dërgohen në Rusi për të punuar në kushte skllavërie, në një situatë që është përkeqësuar nga mungesa e fuqisë punëtore për shkak të luftës në Ukrainë. Sipas një raporti të BBC-së, ky fenomen është rritur veçanërisht pas kërkesave të Rusisë për ndihmë ushtarake dhe për mbulimin e nevojave të punës në ndërtim.
Përmes intervistave me punëtorë që arritën të iknin, dhe ekspertë të ndryshëm, është zbuluar se kushtet e punës janë tejet të rënda. Punëtorët përballen me njëmbëdhjetë orë punë në ditë, pa kushte minimale për mbetje. Shumica e tyre punojnë në ndërtim, ku janë të detyruar të punojnë në errësirë dhe pa masa mbrojtëse. Një punëtor, i identifikuar si “Jin”, përshkruan se sapo mbërriti, një agjent sigurie e shoqëroi dhe i urdhëroi të mos fliste me askënd.
Punëtoret jetojnë në kushte të këqija, shpesh në kontenierë të papërshtatshëm dhe kanë pak mundësi për pushim. Ndihma mjekësore për ta është e pakët dhe shpesh herë refuzohet, edhe kur ndodhin aksidente serioze. Një tjetër punëtor, “Tae”, tregon se lodhja ekstremisht e madhe shpesh i bën ata të bien në gjumë gjatë punës, duke u nënshtuar keqtrajtimit nga mbikëqyrësit.
Pavarësisht një ndalimi të mëparshëm për dërgimin e punëtorëve verikoreanë, numri i tyre në Rusi ka arritur përsëri në rritje. Sipas statistikave, më shumë se 10,000 punëtorë u dërguan vitin e kaluar, me pritshmëri që ky numër të kalojë 50,000 këtë vit. Kjo ndihmon regjimin e Kim Jong Un, duke siguruar të ardhura të konsiderueshme.
Rusia është duke u mbështetur në këta punëtorë të huaj për të përmbushur nevojat në rindërtim dhe projekte të tjera, duke i konsideruar ata si burim të lirë dhe efikas të fuqisë punëtore. Kjo situatë ka ngritur shqetësime serioze për shkeljet e të drejtave të njeriut dhe për mbijetesën e punëtorëve në kushte skllavërie.
