Prokuroria e Posaçme kundër Korrupsionit dhe Krimit të Organizuar në kuadër të operacionit të madh në bashkëpunim me EUROPOL ku goditën grupin kriminal të trafikut të drogës të drejtuar nga Ervis Çela dhe Franc Gergely alias Franc Çopja , kanë ushtruar kontrolle në ambientet e “Klajdi Resort”, i ndodhur në Golem të Kavajës.
MCN Tv raporton se gjatë operacionit hetuesit e BKH-së kanë sekuestruar edhe telefonin celular të pronarit të resortit, Orman Kokoshi, si pjesë e provave materiale.
GJKKO, me kërkesë të SPAK lëshoi në total 16 urdhër-arreste pas operacionit në qytetet Elbasan, Lushnje, Durrës, Tiranë. Masat e sigurisë janë zbatuar për 10 persona, ndërsa 6 të tjerë janë në kërkim.
SPAK përmes një njoftimi zyrtar zbardhi skemën e trafikimit të kokainës nga Amerika Latine në vendet e BE, si dhe transferimin e parave në disa rrugë.
Gjithashtu në sekuestro u vendosën dhe 14 prona, mes tyre dhe Ajman Park” në Shijak, ku përfshihen hotele, godina shërbimi, restorant dhe ambiente tregtare. Po ashtu, SPAK ka sekuestruar gjatë operacionit të sotëm dhe një vilë 2-katëshe “ELYSIAN” në bregdetin e Dhërmiut.
Ajo ka një sipërfaqe totale rreth 378.2 m² dhe me vlerë tregu prej afërsisht 1.000.000 Euro, të cilat u sekuestruan nga SPAK. Të dyja këto pasuri që kanë vlerë miliona euro apo miliarda lekë shqiptare, janë në pronëis të Fadil alias Julian Balla.
Ky shtetas rezulton gjithashtu se është president i ekipit të futbollit “Erzeni” dhe në mjaft dalje televizive, ka treguar investimet e mëdha në sport dhe në shërbim. “Ajman Park” është një ndër resortet më luksoze në zonën e Shijakut dhe mendohet të ketë një vlerë miliarda lekë, sepse përfshinë mijëra m2 sipërfaqe.
Personat e shpallur në kërkim nga SPAK dhe Policia e Shtetit:
– Fadil alias Julian Balla
SPAK thotë se kjo organizatë kriminale operonte në një shkallë globale, duke bashkëpunuar me grupe të tjera kriminale për të lehtësuar transportet drejt porteve evropiane dhe investonte fitimet e mëdha në prona dhe biznese në Shqipëri dhe jashtë saj.
Hetimet u bazuan në analizën e të dhënave të komunikimit të enkriptuara të platformës SkyECC, ku janë zbuluar dërgesa shumë-tonëshe kokainë nga Amerika Latine drejt porteve kryesore të BE-së, përfshirë Hamburgun, Anvers etj.
