Evropa po aplikon masa të reja ndëshkuese për turistët këtë verë, me gjoba që arrijnë deri në disa mijëra euro për sjellje që njëherë toleroheshin. Këto rregulla, të dizajnuara për të ruajtur mirëqenien e banorëve dhe promovimin e turizmit të përgjegjshëm, përfshijnë ndalimin e ecjes me rroba banje jashtë plazheve dhe drejtimin e makinës me shapka.
Në Turqi, një pasagjer që heq rripin e sigurimit para ndalimit të plotë të avionit mund të gjobitet me 62 euro. Në Albufeira, Portugali, veshja me bikini në rrugë ndëshkohet deri në 1,500 euro. Një ndalim i ngjashëm rëndon edhe në Ishujt Balearik të Spanjës për pirjen e alkoolit në publik, që arrin deri në 3,000 euro. Autoritetet lokale theksojnë se këto masa nuk kanë për qëllim t’i trembin turistët, por të mbrojnë përvojën e vizitorëve dhe jetesën e banorëve.
Për të edukuar turistët, në Malaga është lançuar një fushatë me 10 pika që inkuadron elementë si shmangia e mbeturinave dhe zhurmave, si dhe përdorimi i kujdesshëm të skuterëve elektrikë. Policia monitoron zonat turistike me jetë të gjallë nate për t’u siguruar që rregullat respektohen.
Greqia gjobit deri në 1,000 euro për marrjen e guaskave nga plazhi, ndërsa në Itali, ecja në shtigjet e Cinque Terre me këpucë të papërshtatshme ndëshkohet deri në 2,500 euro. Edhe Franca ka ndaluar duhanpirjen në plazhet publike, duke imponuar gjoba prej 90 eurosh.
Ekspertët e turizmit e shohin këtë si një përgjigje ndaj shqetësimeve të viteve të fundit për mbiturizmin dhe mungesën e respektit ndaj komuniteteve pritëse. Ndërsa prania e policisë është rritur dhe turistët janë të këshilluar të njohin rregullat para udhëtimit, ka shqetësime për efektivitetin afatgjatë të këtyre masave. Në Albufeira, informacioni rreth rregullave të reja shpërndahet në hotele, por disa turistë ende nuk janë të informuar plotësisht.
Për të shmangur gjobat këtë verë, turistët duhet të vishen siç duhet dhe të respektojnë rregullat lokale, duke i ndihmuar kështu vetes dhe komuniteteve që vizitojnë.
