Europa është më shumë se një thjeshtë kontinent; ajo përfaqëson një hapësirë të përbashkët kulturore, e ndërtuar mbi vlerat e dijes dhe bashkëjetesës. Libri, si mjet dhe dëshmi, zhvillon këtë trashëgimi kulturore. Qysh nga antikiteti deri në erën digitale, libri ka qenë qëndra e mendimit dhe shpirtit europian. Historia e shqiptarëve, si pjesë integrante e kësaj historie europiane, përfshin letërsinë nga Buzuku tek Kadare, duke theksuar ndikimin e letërsisë shqiptare në kontekstin më të gjerë të Europës.
Qendra e Librit dhe e Leximit në Tiranë është e angazhuar në forcimin e lidhjeve kulturore, duke promovoar autorët shqiptarë dhe nxitur përkthimet dhe bashkëpunimet ndërkombëtare. Europa, si djep i ideve të shkruara, ka luajtur një rol kyç nga Koha e Rilindjes deri në Iluminizëm, ku libri u bë mjet për përhapjen e dijes dhe ideve demokratike.
Një nga momente vendimtare për librin ishte shpikja e shtypshkronjës së Gutenberg-ut, që e transformoi atë nga një objekt i rrallë në një mjet masiv për arsimimin e masave. Ndërveprimi i librave me universitete si ato në Paris dhe Bolonjë, ndihmuan në lulëzimin e mendimit filozofik dhe shkencor. Ja se si libri shërbeu si mjet për reformën fetare, përmes përkthimit të Biblës nga Luteri, duke hapur rrugën për protestantizmin.
Në shekujt e fundit, libri ka ruajtur kujtesën e Europës, veçanërisht pas dy luftërave botërore, dhe ka kontribuar në ndërtimin e një kulture europiane të përbashkët. Europa ka krijuar politika për mbrojtjen e të drejtave të autorit dhe ka ndërmarrë iniciativa për të mbështetur botimin dhe përkthimin.
Qendra e Librit dhe e Leximit po angazhohet për të nxit leximin në mes të rinjve dhe për të mbështetur autorët shqiptarë. Me projekte si “Leximi si pasuri” dhe iniciativat për përkthim, ajo synon të forcojë trashëgiminë kulturore dhe lidhjet ndërkombëtare. Në këtë kontekst, libri mbetet një element kyç i identitetit europian dhe kulturor.
