Rezervat valutore të Bankës së Shqipërisë kanë arritur mbi 6 miliardë Euro, një shumë që mund të mbulojë importet për rreth 8.5 muaj. Këto rezerva janë gjithashtu të rëndësishme për raste emergjente si pagesat fiskale në valutë ose tronditjet në tregun valutor, ku muajt e importeve përdoren si tregues kryesor.
Banka e Shqipërisë po përfiton nga çmimet e ulëta për blerjen e valutës në tregun valutor shqiptar. Aktualisht, kursi i këmbimit ka arritur nivele historike të ulëta: 1 Euro kostohet 96.5 lekë, 1 Dollar 83 lekë, 1 Pound 112 lekë dhe 1 Frangë Zviceriane 103 lekë. Në një analizë aritmetike të këtyre çmimeve, mesatarja del 100.5 lekë për Euro, ndërsa sipas një mesatareje të ponderuar, kursi është 97.2 lekë—niveli më i ulët historik.
Duke parë gjendjen e mirë të bilancit të Bankës, ka mundësi për një fushatë të fuqishme blerjesh të valutës, me qëllim që të arrihet një rezervë që mund të mbulojë 12 muaj importe. Një rezervë e tillë do të ishte një siguri e rëndësishme për çdo emergjencë të mundshme financiare në të ardhmen.
Kjo fushatë blerjesh do të stabilizonte gjithashtu kursin e këmbimit euro-lekë në nivelin 1 me 100. Një nivel i tillë do të ndihmonte shumë në industrinë e turizmit dhe për eksportuesit shqiptarë, të cilët mbajnë të punësuar dhjetëra mijëra individë me të ardhura të ulta. Kështu, Banka e Shqipërisë ka oportunitetin të forcojë ekonominë dhe të ndihmojë qëndrueshmërinë e tregut financiar në vend, duke u përgatitur gjithashtu për sfida të ardhshme.
