Një nga vlerat më të rëndësishme në traditën shqiptare, besa, ka luajtur një rol kyç në kalimin e mesfushorit Ardon Jashari drejt Milanit. Jashari, i cili është shqiptar me origjinë, u rrit në Zvicër, por u ndikua thellësisht nga trashëgimia kulturore shqiptare në procesin e tij të vendimmarrjes.
Sipas mediave italiane, Jashari i kishte dhënë fjalën klubit kuqezi dhe ka respektuar premtimin e tij, përkundër ofertave më të larta financiare nga klube të tjera, si Club Brugge. Kjo tregon se për Jasharin, ndershmëria dhe besnikëria janë më të rëndësishme se çfarëdo përfitimi monetar. Besa, e cila është një koncept i lashtë shqiptar, përfaqëson një normë morale të lartë, e cila nënkupton ndershmërinë dhe mbajtjen e premtimeve. Historia tregon se në kohën e Kanunit, besa kishte madje edhe vlerë juridike, dhe kjo pasqyron rëndësinë e saj në kulturën shqiptare. Në Shqipëri, të quhesh pabesë është një nga fyerjet më të mëdha, e cila sjell me vete një damkë morale.
Kjo e ka ndihmuar vendin të tregojë një histori të politikës së solidaritetit, si për shembull gjatë Holokaustit, ku shumë hebrenj u shpëtuan falë besës shqiptare, per të cilën shqiptarët janë nderuar me titullin “Të drejtë midis kombeve”. Sot, besa ka marrë një dimension të ri, pasi ajo ka ndikuar dhe në fushën e futbollit, duke mundësuar që Milan të sigurojë një mesfushor të kërkuar.
Ky rast tregon se ndershmëria dhe besnikëria janë vlera që vazhdojnë të gjejnë vend në një botë gjithnjë e më materialiste. Ardon Jashari ka dëshmuar se fjala e dhënë ka rëndësi, duke treguar kështu se besa është më shumë se një traditë, ajo është një shtyllë thelbësore e karakterit shqiptar që nxit respekt dhe vlerë në çdo aspekt të jetës, përfshirë sportin.
