Kryeministri Edi Rama ka publikuar disa foto nga bukuritë natyrore të Shkodrës në llogarinë e tij zyrtare në Facebook. Ai ndau pamje të jashtëzakonshme nga Prekali dhe Ura e Shtrenjtë, duke theksuar vlerat turistike të këtyre vendeve. Në shoqërim të imazheve, Rama shkruan: “Një copëz magjie në zemër të #ShkodrësTuristike” me një emoji zemre.
Kjo nismë e tij duket të ketë për qëllim promovimin e turizmit në këtë zonë, e cila është e njohur për peisazhet e saj natyrore dhe atraksionet kulturore. Prekali, me bukuritë e tij natyrore, dhe Ura e Shtrenjtë, një nga simbolet më të njohura të Shkodrës, janë destinacione që tërheqin vizitorë nga brenda e jashtë vendit.
Duke ndarë këto pamje, kryeministri Rama fton qytetarët dhe turistët të eksplorojnë këto zona të mrekullueshme, tëcila ofrojnë një përvojë unike dhe të paharrueshme.
Rama fokusohet në rëndësinë që ka turizmi për zhvillimin ekonomik të Shkodrës dhe për ruajtjen e natyrës. Kjo është një përpjekje për të rritur ndërgjegjësimin mbi potencialin turistik të Shqipërisë, veçanërisht në veri të vendit, ku natyra është tejet e pasur dhe e bukur.
Me këtë postim, kryeministri thekson angazhimin e qeverisë për të mbështetur turizmin dhe për të promovuar bukuritë natyrore të Shqipërisë, duke e bërë Shkodrën një destinacion të preferuar për vizitorët.
