Një aksident automobilistik ka ndodhur në autostradhën Fier-Lushnjë të martën, ku dy automjete janë përplasur. Sipas informacioneve të para, incidenti ka ndodhur në kryqëzimin e Savrës, kur një Volkswagen ka tentuar të kalojë në anën tjetër të rrugës dhe është goditur nga një mjet tip ‘Benz’.
Si pasojë e përplasjeve, dy drejtuesit e automjeteve janë plagosur dhe janë transportuar menjëherë në spital për ndihmë mjekësore. Policia ka mbërritur në vendngjarje për të hetuar rrethanat e aksidentit dhe për të siguruar zonën.
Aksidentet në këtë autostradë janë të zakonshme, duke sjellë shqetësim për sigurinë rrugore. Apelohet për kujdes më të madh nga shoferët dhe për ndjekjen e rregullave të qarkullimit, për të parandaluar ngjarje të tilla në të ardhmen.
