Frrok Lleshaj, 65 vjeç, u ekzekutua mbrëmjen e djeshme në fshatin Paçram, Vaut të Dejës. Ai ishte duke ecur në rrugët e fshatit kur qëlloi me armë zjarri nga persona ende të paidentifikuar. Pas ngjarjes, pesë individë u shoqëruan në komisariat për të dhënë informacion lidhur me krimin.
Lleshaj kishte një histori të ndërlikuar me policinë. Ai kishte shërbyer si efektiv i Policisë së Shtetit në vitet ’90, por largohet në vitin 1994. Në vitin 1995, ai u arrestua për vrasjen e kushëririt të tij, Dodë Lleshaj, dhe arratisej nga burgu gjatë trazirave të vitit 1997. Ai u arrestua sërish në vitin 2006 dhe u dënua me 25 vite burgim për vrasje me dashje, një akuzë që ai nuk e pranoi kurrë. Lleshaj përfundoi dënimin dhe doli nga burgu më 16 mars 2023.
Pista e mundshme që po hetohet nga grupi hetimor është ajo e gjakmarrjes, ndërsa nuk janë përjashtuar as skenarë të tjerë. Grupi po punon për të zbardhur dinamikën e ngjarjes dhe shkaqet që çuan në ekzekutimin e tij. Gjithashtu, po hetohen aktivitetet e Lleshajt pas daljes nga burgu. Kjo ngjarje e rëndë ngjall shqetësime për sigurinë në këtë zonë dhe ngre pyetje mbi ndërlikimet e kaluara të të ndjerit, të cilat mund të kenë luajtur një rol në ngjarjen tragjike.
