Presidentja e Maqedonisë së Veriut, Gordana Siljanovska Davkova, shprehu shqetësim mbi thirrjet fashiste ndaj shqiptarëve nga tifozët gjatë ndeshjes së basketbollit me Rumaninë në Kumanovë. Ajo e quajti incidentin turpërues dhe kritikoi “analfabetizmin sportiv”, duke theksuar se ai ka sjellë reagime të forta për këtë skandal.
Në një postim në Facebook, Siljanovska Davkova nënvizoi se këto thirrje urrejtjeje dëmtojnë të gjithë qytetarët e vendit, duke shkelur parimet bazë të qytetarisë dhe respektit. Ajo theksoi nevojën për të ndaluar kthimin e arena sportive në “arena tifozësh gladiatorësh” dhe propozii një qasje më të arsyeshme për të shprehur emocionet në sport.
Presidentja sugjeroi se edukimi fillon që në shtëpi dhe vazhdon në shkolla, duke kërkuar një përkushtim të shtetit për të përballuar urrejtjen dhe për të promovuar një atmosferë pozitive në sport. Në këtë kontekst, ajo kërkoi një “alfabet brohoritjeje” që mund të shndërrojë kënaqësinë sportive në një aktivitet të pranuar nga të gjithë. Thirrjet si “Maqedoni e pastër” dhe “Dhoma e gazit për shqiptarët” të cilat lidhen me retorikën naziste, nuk janë vetëm fyerje, por përshkruajnë një problem të thellë shoqëror.
Siljanovska Davkova përfundoi duke shprehur se incidenti duhet të shërbejë si një përçues për të frymëzuar ndryshime dhe për të ruajtur dinjitetin e të gjithë qytetarëve të Maqedonisë së Veriut.
