Një ngjarje tragjike është regjistruar sot në fshatin Baincë, Lipjan, ku një burrë, i denoncuar si i zhdukur nga familjarët, është gjetur i groposur. Zëdhënësja e Policisë për rajonin e Prishtinës, Flora Ahmeti, konfirmoi se rasti po hetohet si “vrasje e rëndë”.
Trupi pa jetë, ende i paidentifikuar, u gjet rreth orës 12:00 nga familjarët e tij, të cilët kishin raportuar se ai kishte humbur. Tani dyshohet se viktima është Enver Bajraktari, për të cilin familja kishte kërkuar ndihmë nga autoritetet.
Hetuesit, në bashkëpunim me prokurorinë, kanë nisur menjëherë veprimet procedurale, dhe trupi është dërguar në Institutin e Mjekësisë Ligjore për autopsi dhe identifikim. Megjithatë, deri më tani, autoritetet nuk kanë ofruar detaje të plota rreth motiveve të krimit apo për ndonjë të dyshuar.
Policia dhe prokuroria po punojnë intensivisht për të heclar rrethanat dhe për të zbardhur plotësisht këtë ngjarje konfuze. Situata ka shkaktuar shqetësim në komunitet, ku shumë njerëz ndihen të tronditur nga krimi i rëndë që ka ndodhur. Familjarët e viktimës janë thellësisht të lënduar dhe kërkojnë drejtësi për humbjen e tyre.
Hetimi i këtij rasti është në vazhdimësi, dhe pritet që në ditët në vijim të dalin më shumë informacione nga autoritetet përkatëse në lidhje me këtë ngjarje të rëndë.
