Në mes të verës, Tirana është përballur sot me një stuhi shiu dhe breshëri që zgjati vetëm disa minuta, por ndihmoi në përmbytjen e rrugëve të kryeqytetit. Problemi duket të jetë rezultat i ndërtimit pa kritere dhe pusetave të bllokuar, për të cilat administrata e Bashkisë duket se kujtohet vetëm kur ka reshje.
Pamjet tregojnë rrugë të mbushura me ujë, ndërsa automjetet përballen me vështirësi për të kaluar. Situata për këmbësorët është edhe më e keqe, që shpesh duhet të ecin mes ujit, duke e bërë Tiranën të ngjajë si një “Venecia”, jo për shkak të bukurisë, por për shkak të ndërtesave të rrethuara nga uji.
Kjo situatë reflekton mungesën e infrastrukturës dhe planifikimit urban efektiv, duke e bërë jetesën në kryeqytet të vështirë sidomos në kushtet e motit të keq. Kërkesa për zgjidhje dhe përmirësim të duhur të kësaj çështjeje është bërë akoma më urgjente, në një qytet që vazhdon të përballet me sfida të shumta përsa i përket menaxhimit të ujërave dhe shërbimeve urbane. Kjo stuhi e shkurtër nxjerr në pah nevojën për masa më të forta nga autoritetet lokale për të parandaluar situata të tilla në të ardhmen.
