Të biesh në rrjetën e SPAK është në dukje një situatë problematike, por për Ndoc Kullën, një biznesmen shqiptar dhe pronar i kompanisë Jubica, kjo ka rezultuar të jetë një rast fatlum. Në fund të qershorit, Kulla u shpall zyrtarisht i pandehur nga SPAK me akuzën për “falsifikimin e vulave, stampave ose formularëve”. Akuzat lidhen me tenderin për mirëmbajtjen e rrugës Shpal-Rrëshen, vlerë 2.3 milionë euro, ku Pretendimi është se ka falsifikuar dokumentet.
Megjithatë, pas shpalljes si i pandehur, kompania e Kullës ka pasur një rritje të dukshme në fitimet e tenderëve. Jubica ka siguruar dy kontrata të rëndësishme: një për përmirësimin e sinjalistikës në Shkodër me një vlerë prej 2 milionë eurosh, dhe një tjetër për mirëmbajtjen e rrugës Tamarë-Vermosh, e cila kap vlerën 3.3 milionë euro. Kjo e fundit u mundësua gjithashtu nga ndihma e Komisionit të Prokurimit Publik.
Në total, Kulla ka marrë kontrata publike për 5.5 milionë euro pas shpalljes si i pandehur, duke nxjerrë në dritë një paradoks: në Shqipërinë e rilindur, të biesh pre e SPAK nuk është vetëm një hall, por, për disa, edhe një mundësi për të rritur fitimet. E gjithë kjo ndodh në një kontekst ku miliardat nga buxheti vazhdojnë të rrjedhin me një ritëm edhe më të shpejtë.
