TIRANË- Kryeministri Edi Rama ka ndarë pamje nga aksioni për lirimin e hapësirave publike. Rama përmes një postimi në “Facebook” ka bërë me dije se lirimi i hapësirave publike nuk do të jetë vetëm heqja e hapësirave shtesë të bizneseve që janë me hekura por edhe platformat nën to.
Bizneset kanë shtuar me beton hapësira të caktuara dhe më pas kanë vënë platforma hekuri për të krijuar hapësirë më të madhe për biznesin e tyre dhe si rrjedhojë duke ngushtuar trotuaret për këmbësorët. Rama shkruan se këto platforma do të zhbëhen dita ditës dhe do të vendoset kufiri që garaton hapësirat e lira të komunitetit.
“Sigurisht jo vetëm ngrehinat e hekurit, po edhe platformat e turlillojshme nën to, do të zhbëhen hap pas hapi, përditë e me durim, derisa të vendoset kudo kufiri që garanton lirinë e hapësirës komunitare dhe përcakton deri ku mund të shtrihen tavolinat, karriget e çadrat e njësive tregtare”, shkruan Rama.
https://www.facebook.com/plugins/video.php?height=313&href=https%3A%2F%2Fwww.facebook.com%2Fediramaal%2Fvideos%2F1102897535080006%2F&show_text=false&width=560&t=0
