Çështja e transferimit të sulmuesit suedez Alexander Isak nga Newcastle vazhdon të jetë një temë e nxehtë në merkato. Isak, i kërkuar prej javësh nga Liverpool, ka shfaqur dëshirën për të ndryshuar ambient dhe preferon “Reds” si destinacionin e tij kryesor. Megjithatë, Newcastle ka refuzuar tashmë një ofertë prej rreth 140 milionë eurosh dhe nuk ka ndërmend ta lërë të lirë lojtarin pa siguruar një zëvendësues, me Benjamin Šeško si favoritin e tyre.
Por Liverpool nuk është e vetmja skuadër që interesohet për Isak. Sipas raportimeve të “The Sun”, Manchester United po e ndjek nga afër situatën. “Djajtë e Kuq” e kanë përfshirë Isak në një listë të ngushtë të sulmuesve të mundshëm për të ardhmen, së bashku me emra si Sesko dhe Ollie Watkins, ndërsa përpiqen të rindërtojnë repartin ofensiv pas transferimeve të Matheus Cunha nga Wolverhampton dhe Bryan Mbeumo nga Brentford.
Një ofertë prej 170 milionë eurosh nga Manchester United mund të përmbysë situatën dhe të ndryshojë planet e Liverpool-it, pavarësisht se ky i fundit mbetet preferenca e parë e Isak. Momentin e ardhshëm do të jetë vendimtar për të kuptuar nëse oferta e Manchester United do të konkretizohet apo do të mbetet vetëm një mundësi, ndërsa Premier League përgatitet për një tjetër “ankand” të madh. Ndjekim me kujdes zhvillimet që po ndodhin në këtë merkato tejet aktive.
