Partia Demokratike, përmes zëdhënëses së saj për Antikorrupsionin, Genta Vangjeli, ka akuzuar kryeministrin Edi Rama lidhur me masat e qeverisë për prodhimin vendas. Vangjeli tha se Rama nuk po ndihmon biznesin vendas, por po sekuestrojnë produkte në vend që të ofrojnë mbështetje.
Ajo përmendi se pas një ultimatum nga Rama, ka nisur një aksion për faturimin e detyrueshëm të produkteve ushqimore dhe blegtorale, me qëllim garantimin e sigurisë ushqimore. Ky aksion është në koorodnim me Ministrinë e Financave dhe Administratën Tatimore, e cila ka filluar penalizime dhe sekuestrim mallrash pa faturë. Megjithatë, Vangjeli theksoi se shitësit ambulantë përjashtohen nga lëshimi i faturave, duke ngritur pyetje mbi drejtësinë e masave të marra.
Statistikave të INSTAT-it, që tregojnë një rënie drastike të prodhimeve vendase dhe rritje të varësisë nga importet, Vangjeli iu referua si dëshmi e dështimit të politikave të qeverisë. Në vitin 2024, numri i krerëve të bagëtive ka rënë me 30% krahasuar me 2014, ndërsa kanë rënë ndjeshëm gjithashtu prodhimet blegtorale dhe sasia e qumështit të grumbulluar.
Vangjeli argumentoi se siguria ushqimore nuk mund të garantohet përmes vetëm faturave tatimore, por kërkon një qasje më të thellë, përfshirë inspektime dhe analiza kualitative. Ajo nguli theksin se qeveria Rama po rrezikon prodhimet e fermerëve të vegjël dhe se duke favorizuar importet, po krijon shumë shqetësime për të ardhmen e bujqësisë në Shqipëri.
