Dani Olmo, mesfushori spanjoll i Barcelonës, shprehet se ekipi i tij ka bërë përforcime më të mira se rivali tradicional, Real Madrid, gjatë merkatos së verës. Pas një fitoreje të thellë 7-3 kundër FC Seoul në një miqësore, Olmo theksoi se “Ne kemi bërë transferime më të mira se Real Madridi. Skuadra është përforcuar në çdo repart. Jemi gati për gjithçka.”
Barcelona ka bërë disa lëvizje të rëndësishme këtë verë, duke nënshkruar me yllin anglez Marcus Rashford, talentin suedez Roony Bardghji dhe portierin Joan Garcia. Qëllimi i tyre është i qartë: të dominonin në La Liga dhe të arrinin sukses në kompeticionet evropiane.
Nga ana tjetër, Real Madridi gjithashtu ka punuar për të forcuar skuadrën, duke nënshkruar me emra të njohur si Trent Alexander-Arnold dhe Dean Huijsen. Po ashtu, ata kanë sjellë edhe talente të rinj si Alvaro Carreras dhe Franco Mastantuono.
Tifozët e të dy skuadrave presin me padurim El Clasicon e parë të sezonit, që do të jetë një mundësi për të parë se cila skuadër ka fituar në “derbin e merkatos.” Rivaliteti mes këtyre dy skuadrave vazhdon të jetë një temë kryesore për mediat dhe tifozët, dhe çdo përforcim që bëjnë ka impakt të rëndësishëm në pritshmëritë për sezonin e ri.
