Paris Saint-Germain (PSG) ka marrë një lajm të keq në lidhje me mbrojtësin e saj, Ashraf Hakimi, i cili përballet me një procedim penal që mund të rezultojë në dënim deri në 15 vjet burg. Sipas raportimeve të “Le Parisien”, Hakimi, futbollist maroken, akuzohet për përdhunimin e një femre në banesën e tij në shkurt 2023.
Ngjarja u bë publike pas një akuze nga një vajzë që pretendon se u abuzua seksualisht nga Hakimi pasi ata kishin komunikuar nëpërmjet rrjeteve sociale. Ajo tha se, gjatë takimit më 8 shkurt, Hakimi kishte kryer akte pa miratimin e saj, duke e cilësuar si dhunë seksuale.
Pas dy vitesh hetimesh, policia ka arritur në përfundimin se ka prova të mjaftueshme për të nisur një rast penal ndaj tij. Hakimi, nga ana tjetër, ka mohuar akuzat dhe i ka cilësuar ato si një shantazh të orkestruar për ta detyruar atë të paguante para. Ai pretendon se është i pafajshëm dhe se kjo situatë ka për qëllim ta dëmtojë reputacionin e tij.
Tani, është gjykata ajo që do të vendosë për fatin e Hakimit, duke zbardhur situatën dhe qëndrimin e të dyja palëve. Kjo ngjarje ka sjellë një shqetësim të madh në botën e futbollit dhe gjithashtu në mesin e tifozëve të PSG-së. Dëshira për drejtësi dhe e vërteta do të jenë subjekt i një shqyrtimi të kujdesshëm nga autoritetet përkatëse.
