Disa vatra zjarri shpërthyen këtë pasdite në Malësi të Madhe, duke prekur zonat e Rrëzës, Veshtit, Delajt dhe fshatin Jeran në njësinë administrative Kastrat. Sipas burimeve nga vendi i ngjarjes, gjatë përpjekjeve për të shuar flakët, një mjet zjarrfikës ka marrë flakë dhe është djegur. Zjarret u përhapen me shpejtësi për shkak të erës dhe temperaturave të larta, duke vënë në rrezik si bimësinë ashtu edhe banesat pranë tyre.
Pavarësisht vështirësive në terren, zjarrfikësit arritën të lokalizojnë zjarret. Forca të shumta dhe mjete zjarrfikëse janë angazhuar në mënyrë të koordinuar për të përballuar situatën, me ndërhyrjen më të vështirë të regjistruar në fshatin Jeran.
Më tej, autoritetet lokale po monitorojnë situatën dhe kanë ofruar ndihmë për ata që preken nga zjarret.
