Portieri i Bayern Munich, Sven Ulreich, ka njoftuar tragjikisht vdekjen e djalit të tij gjashtë vjeçar, Len, pas një sëmundjeje të rëndë. Në një deklaratë të publikuar në kanalet e tij të komunikimit, 36-vjeçari ka shprehur dhimbjen e tij për humbjen e djalit, i cili ishte më i vogli nga dy fëmijët e tij, duke thënë se Len ndëroi jetë në qershor pas një beteje të gjatë shëndetësore.
“Me trishtim të thellë njoftojmë se djali ynë Len ndërroi jetë disa javë më parë. Ta bësh këtë publike është shumë e vështirë, por e shohim si një hap të nevojshëm për të krijuar qartësi dhe paqe si familje,” ka deklaruar Ulreich. Ai ka theksuar se, përveç vajzës së tij, po përpiqen të gjejnë forcat për t’u rikthyer në jetë, hap pas hapi.
Ulreich ka shprehur mirënjohjen e tij për mbështetje nga familjarët, miqtë dhe FC Bayern Munich për gjatë kësaj periudhe të vështirë. Ai ka kërkuar që të respektohet privatësia e tij dhe e familjes dhe ka çaktivizuar komentet në postim për të mbrojtur atë nga pyetje dhe deklarata të tjera.
Në karrierën e tij, Ulreich ka bërë 103 paraqitje për Bayern, duke shërbyer si zëvendësues i Manuel Neuer. Ai ka fituar disa tituj me klubin, përfshirë nëntë tituj të Bundesligës dhe një Champions League, që reflekton suksesin e tij si portier në nivelin më të lartë të futbollit.
