Shqipëria, zakonisht në fund të renditjeve europiane, ka një tregues ku kryeson: preferenca për makina me motor të fuqishëm. Sipas të dhënave nga Eurostat, 27.8% e automjeteve të pasagjereve në Shqipëri kanë motorë mbi 2,000 cm³, duke qenë kështu pesha më e lartë në Europë. Pas Shqipërisë, ndodhen Letonia (25.7%) dhe Lituania (20.9%), ndërsa në Kosovë, ky tregues është 16.6%.
Nga 567,000 automjete me naftë në Shqipëri, 215,000 janë mbi 2,000 cm³. Rreth 74% e automjeteve në vend janë me naftë, ndërsa në Europë, makinat me benzinë dominon, duke kontribuar më pak në ndotje.
Preferencat për motorë të fuqishëm reflektojnë faktorë ekonomikë dhe kulturorë. Shqipëria ka një treg të bazuar në makinat e përdorura, kryesisht të importuara nga Gjermania, Zvicra dhe Italia, ku taksat për motorët e mëdhenj janë shumë të larta. Prandaj, këto makina bëhen të përballueshme për shqiptarët. Gjithashtu, në një shoqëri ku makina konsiderohet simbol statusi, marka si Mercedes-Benz dhe BMW janë të njohura.
Kushtet gjeografike dhe infrastruktura e dobët përforcojnë zgjedhjen e makinave me motorë të fuqishëm për familjet jashtë qyteteve. Megjithatë, situata po ndryshon. Rritja e çmimeve të karburanteve, presioni për reduktimin e ndotjes dhe hyrja graduale e makinave hibride dhe elektrike po ndihmojnë shumë konsumatorë të riangazhojnë zgjedhjet e tyre. Politikat tatimore të reja gjithashtu ndikojnë, duke nxitur blerjen e automjeteve më ecologjike.
