Turneu “Cowboy Carter Tour” i Beyoncé-s është shpallur si turneu më i suksesshëm country në histori, sipas të dhënave nga Billboard. Ky tur i përbërë nga 32 shfaqje arriti të gjenerojë 407.6 milionë dollarë dhe shiti 1.6 milionë bileta, duke e bërë Beyoncé-n artisten e parë amerikane me dy turne që kanë kaluar të ardhurat mbi 400 milionë dollarë secili. Turneu i saj i mëparshëm, “Renaissance World Tour”, kishte arkëtuar 579.8 milionë dollarë.
Me këtë arritje, Beyoncé vendos rekorde si artistja femër më e suksesshme me ngjyrë dhe si artistja më fitimprurëse në zhanrin R&B. Gjatë këtij turneu, ajo barazoi ose theu plot 47 rekorde sipas Boxscore.
Skenat në Nju Jork dhe Londër shënuan të ardhura rekord, duke arritur 70.3 milionë dollarë në MetLife Stadium me 250,000 bileta të shitura dhe 61.6 milionë dollarë në Londër nga 275,000 bileta. Turneu përfundoi fundjavën e kaluar me një koncert madhështor në Las Vegas, duke e konfirmuar statusin e Beyoncé-s si një nga artistet më të mëdha në historinë e muzikës live.
Përveç sukseseve financiare, ky tur ka kontribuar edhe në forcimin e ndikimit të Beyoncé-s në industrinë e muzikës dhe në avancimin e artistëve të tjerë, veçanërisht në zhanrin country.
