Kryeministri Edi Rama ka publikuar pamje nga kantieri i punës në hyrje të Shkodrës, që shtrihet nga Harku i Bërdicës deri tek Ura e Bahçallëkut. Ai theksoi se, përveç zgjerimit të rrugës, projekti përfshin ndërtimin e këmbëve të urës së re të Bahçallëkut. Rama e cilësoi këtë si një investim të rëndësishëm infrastrukturor të qeverisë, i cili i ofron qendrës së veriut një hyrje më dinjitoze. Këto objektiva synojnë përmirësimin e infrastrukturës dhe rritjen e mundësive për zhvillim ekonomik në këtë zonë.
