Në një artikull të publikuar nga “Independent”, Shqipëria renditet si një nga destinacionet më të mira për aventura për pushimet verore. Autori Sarah Marshall thekson se shumë turistë britanikë preferojnë të eksplorojnë vende të reja dhe në zhvillim, duke shmangur destinacionet e njohura dhe të mbipopulluara. Shqipëria ofron një mundësi të shkëlqyer për ata që duan të kursejnë para, pa bërë kompromise në lidhje me diellin dhe cilësinë e përvojave.
Të gjitha përvojat që Shqipëria ofron, nga shëtitjet në rrugët me kalldrëm deri te përjetimet në malet e saj dhe ujërat e kristaltë, e bëjnë atë një alternativë tërheqëse ndaj Italisë. Krahasuar me fqinjën e saj të njohur, Shqipëria ka plazhe më të qeta, vendet e fshehura dhe çmime shumë më të ulta. Vizitorët mund të mësojnë për historinë e vendit përmes arkitekturës osmane, fashiste dhe sovjetike të Tiranës, mund të eksplorojnë Parkun Kombëtar të Valbonës dhe të shijojnë plazhet e arta të Rivierës shqiptare.
Një udhëtim prej tetë ditësh në Shqipëri kushton rreth 1,025 euro për person, përveç fluturimeve. “Independent” ka renditur Shqipërinë si vendin më të mirë për aventura në listën e tij për pushime të përballueshme për vitin 2025, ndërsa destinacione të tjera përfshijnë El Gouna në Egjipt për plazhe, Galicia në Spanjë për familjet, Voss në Norvegji për ski, dhe Bosnjë-Hercegovinën për natyrën.
