Një sistem i ri digjital për kontrollin e kufijve, i njohur si Entry/Exit System (EES), do të implementohet në vendet e Bashkimit Europian duke filluar nga 12 tetori 2025. Ky sistem do të ndikojë në mënyrë të drejtpërdrejtë për udhëtarët jashtë BE-së, si britanikët. EES do të zbatohet gradualisht për gjashtë muaj, duke zëvendësuar procesin aktual të vulosjes së pasaportave për vizitorët afatshkurtër dhe duke regjistruar në mënyrë digjitale hyrjet dhe daljet e tyre në 29 vende europiane, të përfshira ato të zonës Shengen.
Qëllimi kryesor i EES është të përshpejtojë kalimin për udhëtarët e rregullt, të luftojë migracionin e parregullt dhe lehtësojë kontrollin nga autoritetet për ndjekjen e qëndrimit të lejuar. Shtetasit jo të BE-së do të kenë nevojë të verifikojnë shenjat e gishtave ose fytyrën gjatë kalimit të kufirit për herë të parë, ndërkohë që të dhënat biometrike do të ruhen për qëllime regjistrimi dhe sigurie.
Kioskat dhe pajisjet për marrjen e gjurmëve të gishtave janë duke u ndërtuar në terminalin e Eurostar-it në Londër dhe Portin e Doverit, si dhe janë planifikuar struktura të reja për pasagjerët që udhëtojnë me makinë ose autobus. Megjithatë, një aplikacion i veçantë për lehtësimin e kalimit ende nuk është gati, pasi çdo shtet anëtar po punon për integrimin e EES në sistemet e veta të migracionit. Ky zhvillim është një pjesë e projektit të BE-së për “kufij të zgjuar”, me një fokus në krijimin e një procesi më të sigurt dhe më të dixhitalizuar për udhëtarët.
