Sulmuesi i Kombëtares shqiptare, Jasir Asani, është në qendër të vëmendjes për një transferim të mundshëm në kampionatin iranian. Sipas mediave lokale, klubi Esteghlal është i interesuar për Asanin, i cili aktualisht luan për Gwang-ju FC në Korenë e Jugut.
Asani ka pasur një performancë të shkëlqyer, duke qenë pjesë e formacionit më të mirë të K-League, dhe së fundmi luajti në një ndeshje miqësore luksoze ndaj Newcastle United, ku kontribuoi në një fitore 1-0. Një moment të veçantë prej ndeshjes ishte shkëmbimi i fanellave me Kieran Trippier, që ngjalli shumë reagime pozitive në rrjetet sociale.
Tifozët e Esteghlalit kanë nisur një “fushatë” për të bindur Asanin të bashkohet me klubin, i cili është një nga më të mëdhenjtë në Iran. Megjithatë, Gwang-ju nuk është i gatshëm ta lëshojë lehtësisht sulmuesin, pasi kërkon të paktën 1 milion euro për kartonin e tij, ndërsa Asani ka kontratë deri në fund të këtij viti. Kjo mund të komplikoje transferimin, përveç nëse arrijnë një marrëveshje të përshpejtuar gjatë afatit kalimtar të verës.
Karriera e Asanit ka njohur një ngritje të vazhdueshme si me ekipin kombëtar shqiptar ashtu edhe në Korenë e Jugut, ku është bërë një nga lojtarët më të spikatur të kampionatit azia. Tani mbetet për t’u parë nëse ai do të transferohet në Iran dhe do të ketë një përvojë të re me Esteghlal.
