Pas disa vitesh vonese, censi i bujqësisë do të realizohet për të mbledhur informacione mbi njësitë ekonomike bujqësore dhe blegtorale në Shqipëri. Ministria e Bujqësisë ka nxjerrë për konsultim publik Projektligjin “Për Censin e Bujqësisë”, i cili synon krijimin e një baze ligjore të konsoliduar për këtë proces, duke u mbështetur në standardet ndërkombëtare.
Ky cens do të mbledhë të dhëna identifikuese e strukturore për njësitë ekonomike bujqësore, si forma e pronësisë dhe përbërja demografike, së bashku me informacione mbi tokën, bimët, kullotat dhe blegtorinë. Dati e mbledhur do të përfshijë 98% të sipërfaqeve dhe njësive blegtorale brenda vendit, përjashtuar pyjet dhe kullotat publike. Të dhënat do të shërbejnë për krijimin dhe mbajtjen e Regjistrit Statistikor të Njësive Ekonomike Bujqësore, administruar nga INSTAT.
Për realizimin e censit, do të angazhohen specialistë të bujqësisë që njihen mirë me terrenin. Ligji parashikon detyrimin për t’u dhënë informacion punonjësve në terren, me ndëshkime për mosrespektim. Shpenzimet për censin mbulohen nga buxheti i shtetit dhe donatorët, me një vlerë totale prej 890.91 milionë lekë.
Megjithëse censi ishte parashikuar për t’u realizuar në vitin 2022, ai është shtyrë për në vitin 2026, me kusht që projektligji të miratohet këtë vit. Censusi i parë u zhvillua në 2012, ndërsa një tentativë për një cens të dytë u bë në 2018.
